Gen 10 | NSS | STEP | Iye ara titiye ta noru Nowah hu —- Sem, Ham, pe Yapet. Noru Nowah hu matimou ara hupo noruhu iyamulan para non namandran irasumuluwani kol pwan masih ihipwen.

Genesis 10

Iye ara ndraye ngala noru Nowah hu

1 Iye ara titiye ta noru Nowah hu —- Sem, Ham, pe Yapet. Noru Nowah hu matimou ara hupo noruhu iyamulan para non namandran irasumuluwani kol pwan masih ihipwen.

2

Iye ara ngala noru Yapet hu kamai:
- Komer, Makok, Matai, Yawan, Tupal, Mesek, pe Tiras.

3 Pe iye ara ngala noru Komer hu kamai: Askenas, Ripat, pe Tokarmah. 4 Iye ara ngala noru Yawan hu kamai: Elisah, Tarsis iyapolo hu ndramat para Saiprus 10:4 Eng: the Kittim (a people living on Cyprus) ; TP: ol man bilong Saiprus pe hu Totan. 10:4 Eng: the Rodanim/Dodanim ; TP: ol Dodan 5 Pe ndraye noru Yapet hu, hu masumbuwe iya leng pe mbuson. Pe huyempwan kolohu hakol-hakol pe nongna kolohu ara handra-handra. 6 Iye ara ngala noru Ham hu kamai: Kus, 10:6 Eng: Cush ; TP: Kus (Long tok Hibru, dispela nem Kus em i nem bilong kantri Sudan) Misrayim, 10:6 Eng: Mizraim/Egypt ; TP: Isip Put, 10:6 Eng: Put (Libya) ; TP: Libia pe Kanaan. 7 Iye ara ngala noru Kus hu kamai: Sepa, Hawilah, Saptah, Raamah, pe Sapteka. Pe Raamah ara, ngala norun hilu malmou ara Siepa pe Tetan. 8 Kus ara iyki norun hamou i ngalan Nimrot. Yiy irayah ndramat hamou pwokeyan para pahun. 9 Yapan iyki pwoke iya kili Nimrot pe irayah ndramat hamou pwokeyan para poya yohou. Pwen mahapo kapa hamou kisikiye hamou andre kipa, “Wou tehe Nimrot imwonen, yiy ndramat para kahaya yohou mbulmaraYapan.” 10 Nimrot ara irayah yapane hu kol mahaakol iye: Papel, Erek, Akkat, pe Kalneh. Pe isarayah tehe kenon ^{▼▼10:10 Eng:“The first centres of his kingdom ...”; TP: “Nimrot i bosim ...”} para kol mahaakol ara, hutora nondriya kol namandran Papilon. 11 Pwen itali Papilon pe iya Assiriya pe imangsani hu kol namandran iye kene: Niniweh, Rehopot-Ir, Kalah, 12 iyapolo Resen ara, ita mwalinga Niniweh pe mwalinga kol namandran Kalah.

13

Hu noru Misrayim ara
- hu ndramat para Litiya, ^{▼▼10:13 Eng:Ludites; TP:ol lain manmeri bilong Lidia} Anam, Lehap, Naptu,

14 pe iyapolo Patrus, Kasluh, pe hu para Kaptor. (Hu ndramat para Pilistiya ara husarayah ndrayehu Kasluh.) 15 Kanaan ara iyki norun ndrihou ngalan Siton. Pe Kanaan ara tumbuhu Hit, 16 hu Yepus, hu Amor, hu Kirkas, 17 iyapolo hu Hiwi, hu Ark, hu Sini, 18 pe iyapolo hu Arwat, hu Semar, pe hu Hamat. Iyamulan hu tumbu Kanaan ara hu masumbuwe. 19 Ndringa pwenehu Kanaan ara iro Siton, pe iya pakeh Kerar pe Kasa, pwen irapaiwaniy iya pwen te Sotom, Komorrah, Atmah, pe Sepoyim, pe iya manne Lasa.

20 Ariyo ara noru Ham hu kamai, yihu yempwan kamayehu hawum-hawum, pe nongna kolohu ara handra-handra, pe huro kolohu hakol-hakol.

21 Sem ara iyki norun hayah kamai pe isarayah tumbuhu Eper masih. Pe Yapet, nalin namandran ara Sem.

22

Iye ara ngala noru Sem hu kamai:
- Elam, Assur, Arpaksat, Litiya, ^{▼▼10:22 Eng:Lud; TP:Lidia} pe Aram.

23 Pe ngala noru Aram hu ara Us, Hul, Keter, pe Mesek. 24 Arpaksat iyki norun Selah, pe Selah iyki norun Eper. 25 Eper ara iyki norun malmou kamai: Pelek pe Yoktan. Iro tandrohonga Pelek isarayah iro, hu ndramat masih para kol pwan hu masumbuwe huya marakol. 10:25 Anime sapta 11:1-9 Pwen pe huyoh ngalan Pelek, paratesah, mbulundroyi nongan para ngalan “Pelek” iya nongna kolohu ara ipa “masumbuwe.” 26 Yoktan ara iyki norun hu kamai, ngalahu ara iye: Almotat, Selep, Hasarmawet, 27 iyapolo Yerah, Hatoram, Usal, 28 iyapolo Tikla, Opal, Apimayel, 29 iyapolo Sepa, Opir, Hawilah, pe Yopap. Ariyo kene ara ngala noru Yoktan hu. 30 Kol nepo huro aliy ara ndringan iro Mesa iya manne Separ, ita mwalinga hu pahayi iyayau tehe paramwandrai ingas.

31 Ariyo ara ndraye noru Sem hu kamai, yihu yempwan kamayehu hawum-hawum, pe nongna kolohu ara handra-handra, pe huro kolohu hakol-hakol.

32 Pe ariyo kene ara ndraye noru Nowah hu para wum hawum-hawum pe kol hakol-hakol. Iyamulan para non namandran ingas ihipwen, hu masikene hurayah iro kili noru Nowah hu ko, pe hu masumbuwe huya kol pwan masih.